𞤏𞤵𞥅𞤪𞤭 𞤶𞤢𞤤𞥆𞤮⹁ 𞤩𞤵𞤪𞤯𞤮 𞤤𞤮𞤤𞥆𞤭𞤪𞤣𞤫 𞤱𞤵𞥅𞤪𞤭 𞤦𞤵𞤲𞤯𞤮 𞤼𞤢𞤱𞤣𞤢𞤲𞤮 𞤳𞤢 𞤻𞤢𞤤𞤢𞥄𞤲𞤣𞤫 𞤢𞤣𞤤𞤢𞤥 𞤫 𞤨𞤵𞤤𞤢𞥄𞤳𞤵⹁ 𞤻𞤢𞤤𞤲𞤣𞤫 𞥐𞥕 𞤧𞤭𞥅𞤤𞤮 𞥒𞥐𞥒𞥕 𞤳𞤢 𞤶𞤢𞥄𞤩𞤭 𞤸𞤢𞥄𞤼𞥆𞤭𞤪𞤣𞤫 𞤳𞤮𞤬𞤭𞥅 𞤢𞤲𞤢𞥄𞤲 𞤺𞤭𞤲𞤫⹁ 𞤱𞤮𞤲𞤵𞤲𞤣𞤫 𞤲𞤮𞤲𞤺𞤮.
𞤉 𞤲𞤣𞤫𞤪 𞤯𞤵𞤲⹁ 𞤮 𞤶𞤢𞤦𞤭𞤲𞤮 𞤤𞤢𞤲𞤣𞤫 𞤯𞤫 𞤸𞤫𞤧𞤤𞤮𞥅𞤩𞤫 𞤩𞤫𞤲 𞤤𞤢𞤲𞤣𞤭𞥅𞤥𞤮.
𞥟𞤳𞤮 𞤬𞤭𞥅 𞤸𞤮𞤲𞤯𞤵𞤲 𞤮 𞤢𞤪𞤢𞤲𞤭 𞤼𞤢𞤱𞤣𞤮𞤪𞤫𞥅𞤣𞤫 𞤫 𞤲𞤺𞤢𞤤 𞤼𞤵𞤥𞤦𞤮𞤲𞤣𞤭𞤪𞤢𞤤 𞤸𞤢𞤲𞤣𞤫؟
𞤌
𞤌 𞤶𞤢𞥄𞤦𞤭𞥅: 𞤃𞤭𞤲 𞤀𞤁𞤂𞤀𞤃 𞤸𞤭𞤲𞤮 𞤱𞤫𞤤𞤢𞤥𞥆𞤭⹁ 𞤥𞤭𞤯𞤮 𞤶𞤫𞤴𞤢𞥄 𞤫 𞤼𞤢𞤥𞤦𞤭𞤼𞤭𞥅𞤩𞤫 𞤬𞤭𞥅 𞤴𞤮 𞤦𞤭𞤲𞤣𞤭 𞤯𞤭𞤲 𞤴𞤢𞥄𞤶𞤵⹁ 𞤧𞤢𞤦𞤵 𞤢𞤬𞤪𞤭𞤳𞤭 𞤯𞤮𞥅 𞤸𞤢𞥄𞤤𞤢𞥄𞤶𞤭 𞤥𞤫𞤲 𞤯𞤭𞤲 𞤸𞤭𞤲𞤮 𞤸𞤢𞥄𞤲𞤢𞥄 𞤼𞤮𞤱𞤲𞤫𞥅𞤣𞤫 𞤬𞤭𞥅 𞤥𞤵𞤲.
𞤅𞤭 𞤢 𞤱𞤢𞤯𞤼𞤢𞤲𞤭𞥅 𞤴𞤭𞥅𞤤𞤢 𞤼𞤫𞤤𞤫𞤲 𞤢𞤬𞤪𞤭𞤳𞤭 𞤧𞤫𞤲𞤺𞤮 𞤬𞤵𞤯𞤲𞤢𞥄𞤲𞤺𞤫 𞤼𞤮𞥅⹁ 𞤱𞤢𞤲𞤮 𞤳𞤫𞤲𞤭𞤴𞤢𞥄⹁ 𞤱𞤢𞤲𞤮 𞤼𞤢𞤲𞤶𞤢𞤲𞤭𞥅⹁ 𞤩𞤫𞤲 𞤸𞤭𞤲𞤮 𞤣𞤢𞤪𞤭𞥅 𞤬𞤭𞥅 𞤧𞤵𞤱𞤢𞤸𞤭𞤤𞤭𞥅 𞤫 𞤸𞤢𞥄𞤤𞤢𞥄𞤶𞤭 𞤸𞤫𞤣𞥆𞤭𞤼𞤭𞥅𞤯𞤭 𞤥𞤢𞤩𞥆𞤫 𞤯𞤭𞤲.
𞤉𞤲𞤫𞤲 𞤳𞤢𞤣𞤭 𞤺𞤭𞤲𞤫 𞤯𞤮𞥅 𞤸𞤭𞤯𞤫𞤲 𞤸𞤢𞥄𞤲𞤭 𞤣𞤢𞤪𞤢𞥄𞤣𞤫 𞤼𞤮𞥅𞤱𞤲𞤢 𞤬𞤭𞥅 𞤀𞤁𞤂𞤀𞤃⹁ 𞤫 𞤼𞤮𞥅𞤱𞤲𞤢 𞤬𞤭𞥅 𞤦𞤭𞤲𞤣𞤭 𞤥𞤫𞤲 𞤯𞤭𞤲⹁ 𞤱𞤢𞤲𞤮 𞤨𞤵𞤤𞤢𞤪⹁ 𞤫 𞤸𞤢𞥄𞤤𞤢𞥄𞤶𞤭 𞤸𞤫𞤣𞥆𞤭𞤼𞤭𞥅𞤯𞤭 𞤯𞤭𞤲 𞤲𞤣𞤫𞤪 𞤺𞤭𞤲𞤫.
𞤏𞤢𞤲𞤮 𞤥𞤭𞤲 𞤥𞤭𞤯𞤮 𞤱𞤢𞤯𞤭 𞤺𞤭𞤥𞤮𞤤 𞤴𞤫𞤱𞤼𞤭 𞤼𞤮𞤲 𞤬𞤭𞥅 𞤀𞤁𞤂𞤀𞤃⹁ 𞤥𞤭 𞤬𞤫𞤲𞤧𞤭𞤼𞤢𞤲𞤭 𞤴𞤭𞤥𞤩𞤫 𞤩𞤫𞤲 𞤳𞤮 𞤸𞤮𞤲𞤯𞤵𞤲 𞤱𞤮𞤲𞤭 𞤢𞤣𞤤𞤢𞤥⹁ 𞤳𞤮 𞤸𞤮𞤲𞤯𞤵𞤲 𞤫 𞤲𞤢𞤬𞤮𞥅𞤪𞤫 𞤦𞤭𞤲𞤣𞤭 𞤯𞤭𞤲 𞤱𞤮𞤲𞤣𞤭 𞤫 𞤥𞤵𞤲⹁ 𞤳𞤮 𞤸𞤮𞤲𞥆𞤮 𞤢𞤣𞤤𞤢𞤥 𞤶𞤢𞤲𞤺𞤭𞤪𞤼𞤫𞥅⹁ 𞤬𞤮𞤱 𞤸𞤭𞤲𞤮 𞤼𞤮𞤲⹁ 𞤩𞤢𞤴 𞤥𞤫𞤲𞤫𞤲 𞤲𞤢𞥄𞤤𞤢𞤲𞤳𞤮𞥅𞤩𞤫 𞤩𞤫𞤲⹁ 𞤳𞤮 𞤴𞤮 𞤥𞤫𞤲 𞤬𞤫𞤲𞤧𞤭𞤼𞤢𞤲 𞤶𞤢𞤥𞤢𞥄 𞤮𞤲⹁ 𞤳𞤢 𞤸𞤢𞥄𞤤𞤢𞥄𞤶𞤭 𞤥𞤫𞤫𞤲 𞤯𞤭 𞤩𞤫 𞤬𞤢𞤸𞤥𞤢𞤼𞤢⹁ 𞤥𞤫𞤲 𞤱𞤢𞤳𞥆𞤭𞤤𞤭𞤲𞤢 𞤩𞤫 𞤳𞤢𞤣𞤭 𞤴𞤮 𞤩𞤫 𞤱𞤭𞤲𞤣𞤵 𞤢𞤣𞤤𞤢𞤥⹁ 𞤴𞤮 𞤩𞤫 𞤶𞤢𞤲𞤺𞤵 𞤢𞤣𞤤𞤢𞤥 𞤩𞤢𞤴 𞤸𞤭𞤲𞤮 𞤥𞤮𞤰𞥆𞤭 𞤸𞤭𞤲𞤮 𞤱𞤮𞤲𞤣𞤢𞤲𞤭 𞤫𞤲 𞤫 𞤩𞤢𞤲𞤼𞤢𞤤.
𞤃𞤭𞤯𞤮 𞤤𞤢𞤲𞤣𞤭𞥅⹁ 𞤼𞤮𞤪𞤭𞥅 𞤶𞤮𞥅𞤥𞤢 𞤶𞤢𞤱𞤣𞤭 𞤫𞤲 𞤬𞤮𞤱⹁𞤴𞤮 𞤩𞤫 𞤱𞤢𞤳𞥆𞤭𞤤𞤮 𞤩𞤫 𞤭𞤼𞥆𞤢 𞤶𞤢𞤱𞤤𞤫 𞤥𞤢𞤩𞥆𞤫 𞤯𞤫𞤲⹁ 𞤩𞤫 𞤱𞤢𞤤𞥆𞤭𞤼𞤮𞥅 𞤬𞤭𞥅 𞤢𞤣𞤤𞤢𞤥⹁ 𞤩𞤢𞤴 𞤳𞤮 𞤸𞤵𞥅𞤲𞤣𞤫 𞤥𞤮𞤰𞥆𞤵𞤲𞤣𞤫 𞤸𞤵𞥅𞤲𞤣𞤫 𞤸𞤢𞥄𞤲𞤵𞤲𞤣𞤫.
𞤥𞤭𞤯𞤮 𞤼𞤮𞤪𞤭𞥅 𞤤𞤢𞥄𞤥𞤵 𞤲𞤺𞤵𞤲 𞤳𞤢𞤣𞤭⹁ 𞤴𞤮 𞤩𞤫 𞤣𞤢𞤪𞤮 𞤩𞤫 𞤣𞤢𞤲𞤳𞤢𞤪𞤢𞤲𞥆𞤮𞥅 𞤬𞤭𞥅 𞤲𞤮 𞤀𞤁𞤂𞤀𞤃 𞤩𞤢𞤥𞤼𞤮𞤪𞤢⹁ 𞤩𞤫 𞤱𞤢𞤯𞤢 𞤫𞤩𞥆𞤮𞥅𞤶𞤫 𞤯𞤫𞤲⹁ 𞤩𞤫 𞤢𞤣𞥆𞤢 𞤨𞤫𞤸𞤫 𞤯𞤫𞤲⹁ 𞤩𞤫 𞤱𞤢𞤤𞥆𞤭𞤼𞤮𞥅 𞤶𞤢𞤲𞥆𞤮𞥅𞤩𞤫 𞤩𞤫𞤲⹁ 𞤩𞤫 𞤱𞤢𞤤𞥆𞤭𞤼𞤮𞥅 𞤱𞤮𞤲𞤵𞤩𞤫 𞤶𞤢𞤲𞤺𞤵𞤣𞤫 𞤩𞤫𞤲⹁ 𞤧𞤢𞤦𞤵 𞤯𞤵𞤲𞤯𞤮𞥅 𞤲𞤢𞤬𞤢𞤴 𞤫𞤲 𞤧𞤢𞤲𞥆𞤫 𞤧𞤢𞤲𞥆𞤫⹁ 𞤳𞤢 𞤥𞤫𞥅𞤯𞤫𞤲 𞤺𞤭𞤲𞤫 𞤯𞤮𞥅 𞤸𞤢𞥄 𞤳𞤢 𞤤𞤫𞤧𞤯𞤫 𞤶𞤢𞤲𞤢𞤲𞤫.
𞤉𞤲 𞤢𞤲𞤣𞤭𞤼𞤭𞤲𞤢𞤴 𞤼𞤵𞤲 𞤱𞤵𞥅𞤪𞤭 𞤶𞤢𞤤𞥆𞤮 𞤳𞤮 𞤯𞤭𞤯𞤢𞤩𞤵𞤲 𞤯𞤵𞤲 𞤲𞤭𞥅 𞤸𞤭𞤥𞤮 𞤼𞤢𞤱𞤣𞤫𞥅𞤣𞤫 𞤫 𞤲𞤺𞤢𞤤 𞤼𞤵𞤥𞤦𞤮𞤲𞤣𞤭𞤪𞤢𞤤 𞤪𞤭𞤱𞤢𞤲𞤭 𞤳𞤢𞤣𞤭 𞤮 𞤼𞤢𞤱𞤣𞤢𞤲𞤢 𞤳𞤢 𞤧𞤵𞥅𞤣𞤵 𞤧𞤵𞤳𞤢𞥄𞤩𞤫 𞤳𞤭𞤨𞤫𞥅⹁ 𞤲𞤣𞤫 𞤮 𞤼𞤢𞤱𞤣𞤢𞥄 𞤱𞤮𞥅 𞤳𞤢𞤣𞤭 𞤮 𞤰𞤢𞤱𞤢𞤴 𞤳𞤢 𞤺𞤢𞤲𞤺𞤵𞤲𞤢𞤤 𞤮 𞤴𞤭𞤥𞤢 𞤮 𞤱𞤢𞤷𞥆𞤢 𞤀𞤁𞤂𞤀𞤃.
𞤀𞤣𞤮 𞤼𞤵𞤥𞤦𞤮𞤲𞤣𞤭𞤪𞤢𞤤 𞤲𞤺𞤢𞤤 𞤳𞤢𞤣𞤭 𞤮 𞤷𞤢𞥄𞤼𞤵𞤲𞤮 𞤧𞤵𞤳𞤢𞥄𞤩𞤫 𞤀𞤁𞤂𞤀𞤃 𞤱𞤭𞤲𞤣𞤫𞤪𞤫 𞤴𞤮 𞤩𞤫 𞤴𞤢𞤸𞤵 𞤩𞤫 𞤴𞤫𞤱𞤼𞤢 𞤬𞤭𞥅 𞤀𞤁𞤂𞤀𞤃 𞤫 𞤬𞤭𞥅 𞤻𞤢𞤤𞤢𞥄𞤲𞤣𞤫 𞤀𞤁𞤂𞤀𞤃 𞤫 𞤨𞤵𞤤𞤢𞥄𞤳𞤵⹁ 𞤳𞤢 𞤯𞤫𞤪𞤮𞤤 𞤥𞤢𞤳𞥆𞤮 𞤬𞤫𞥅𞤧𞤦𞤵𞤳.
𞤫 𞤳𞤢 𞤮 𞤧𞤢𞥄𞤳𞤭𞤼𞤢𞤼𞤢 𞤯𞤮𞤲 𞤳𞤵𞤥𞤨𞤭𞤼𞤫 𞤥𞤢𞤳𞥆𞤮 𞤯𞤫𞤲 𞤱𞤢𞤲𞤮⹁ 𞤱𞤢𞤼𞤧𞤢𞤨⹁ 𞤼𞤫𞤤𞤫𞤺𞤢𞤪𞤢𞥄𞤥⹁𞤫 𞤴𞤵𞥅𞤼𞤵𞤦.
𞤀𞤁𞤂𞤀𞤃 𞤸𞤭𞤲𞤮 𞤸𞤢𞥄𞤲𞤭𞤥𞤮 𞤱𞤫𞤤𞤼𞤢𞤲𞤢𞥄𞤣𞤫 𞤬𞤮𞤼𞤢.
𞤔𞤫𞤲𞥆𞤫 𞤣𞤮𞤺𞤵𞤧𞤢𞤤𞤭.
