𞤲𞤮 𞤱𞤮𞥅𞤱𞤭𞤪𞤭 𞤱𞤢𞤯𞤭𞤪𞤣𞤫 𞤲𞤮𞤲⹁ 𞤸𞤭𞤳𞥆𞤢 𞤳𞤢𞤣𞤭 𞤻𞤢𞤤𞤢𞥄𞤲𞤣𞤫 𞤢𞤣𞤤𞤢𞤥 𞤫 𞤨𞤵𞤤𞤢𞥄𞤳𞤵 𞤸𞤫𞤱𞤼𞤭𞥅.
𞤲𞤣𞤫𞥅 𞤳𞤮 𞤻𞤢𞤤𞤢𞥄𞤲𞤣𞤫 𞤲𞤣𞤫 𞤧𞤵𞤳𞤢𞥄𞤩𞤫 𞤢𞤣𞤤𞤢𞤥 𞤺𞤭𞤲𞤫 𞤧𞤭𞤲𞤷𞤭 𞤫 𞤸𞤭𞤼𞤢𞥄𞤲𞤣𞤫 𞥒𞥐𞥒𞥒⹁ 𞤸𞤢𞤪𞤭 𞤳𞤮 𞤢𞤪𞤣𞤭𞤲𞤮𞥅 𞤥𞤮𞤶𞤮𞤦𞤫𞤪𞤫 𞤲𞤣𞤫𞤲 𞤳𞤮 𞤦𞤭𞤲𞤼𞤢 𞤯𞤫𞤥𞤲𞤺𞤢𞤤 𞤨𞤵𞤤𞥆𞤮.
𞤳𞤮𞤲𞤮 𞤲𞤣𞤫 𞤼𞤢𞤱𞤲𞤮𞥅 𞤳𞤮 𞤻𞤢𞤤𞤢𞥄𞤲𞤣𞤫 𞤳𞤫𞤤𞤯𞤵𞤲𞤣𞤫⹁ 𞤸𞤭𞤼𞥆𞤵𞤲𞤣𞤫 𞤳𞤢 𞤬𞤵𞤤𞤩𞤫 𞤩𞤫𞤲⹁ 𞤧𞤵𞤳𞤢𞥄𞤩𞤫 𞤢𞤣𞤤𞤢𞤥 𞤱𞤭𞤲𞤣𞤫𞤪𞤫 𞤼𞤢𞤥𞤦𞤭𞤼𞤭𞥅 𞤳𞤢 𞤸𞤭𞤼𞤢𞥄𞤲𞤣𞤫 𞤯𞤭𞤯𞤥𞤫𞤪𞤫⹁ 𞤲𞤣𞤫 𞤢𞤪𞤣𞤭𞥅 𞤯𞤵𞤲 𞤢𞤴𞤧𞤢𞥄 𞤧𞤮𞥅.
𞤩𞤫 𞤩𞤫𞤴𞤣𞤭𞤼𞤭 𞤨𞤭𞥅𞤶𞤭 𞤸𞤫𞥅𞤱𞤯𞤭 𞤳𞤢 𞤻𞤢𞤤𞤢𞥄𞤲𞤣𞤫⹁ 𞤱𞤢𞤲𞤮 𞤬𞤮𞥅𞤤𞤮𞤼𞤭𞤪𞤮 𞤧𞤵𞤳𞤢𞥄𞤩𞤫 𞤳𞤢 𞤺𞤭𞤥𞤯𞤭⹁ 𞤫 𞤶𞤫𞤱𞤼𞤫 𞤳𞤮𞥅𞤸𞤮𞥅𞤩𞤫 𞤫 𞤳𞤮 𞤲𞤢𞤲𞤣𞤭 𞤫 𞤥𞤵𞤲.
𞤫 𞤸𞤭𞤼𞤢𞥄𞤲𞤣𞤫 𞥒𞥐𞥒𞥒 𞤳𞤮 𞤳𞤮 𞤳𞤢 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤲𞤮𞤲𞤺𞤮 𞤳𞤮𞤲𞤢𞥄𞤳𞤭𞤪𞤭 𞤱𞤮𞤲𞤭 𞤳𞤢 𞤼𞤵𞤥𞤦𞤮𞤲𞤣𞤭𞤪𞤢𞤤 𞤲𞤺𞤢𞤤 𞤱𞤢𞤯𞤭.
𞤫 𞤸𞤭𞤼𞤢𞥄𞤲𞤣𞤫 𞥒𞥐𞥒𞥓 𞤳𞤮 𞤳𞤢 𞤧𞤵𞥅𞤣𞤵 𞤧𞤵𞤳𞤢𞥄𞤩𞤫 𞤳𞤭𞤨𞤫𞥅 𞤳𞤮𞤲𞤢𞥄𞤳𞤭𞤪𞤭.
𞤸𞤭𞤳𞥆𞤢 𞥒𞥐𞥒𞥔 𞤳𞤮 𞤳𞤢 𞤶𞤢𞥄𞤩𞤭 𞤸𞤢𞥄𞤯𞤼𞤭𞤪𞤣𞤫 𞤳𞤮𞤬𞤭𞥅 𞤢𞤲𞤢𞥄𞤲 𞤱𞤮𞤲𞤭 𞤳𞤮 𞤧𞤢𞥄𞤼𞤭𞥅 𞤻𞤢𞤤𞤲𞤣𞤫 𞥕 𞤧𞤭𞥅𞤤𞤮 𞥒𞥐𞥒𞥕.
𞤲𞤮 𞤶𞤫𞤴𞤢𞥄 𞤫 𞤳𞤮 𞤧𞤢𞥄𞤼𞤭𞤲𞤢𞥄 𞤳𞤮𞤲 𞤫 𞤲𞤣𞤫𞤲 𞤻𞤢𞤤𞤢𞥄𞤲𞤣𞤫:
𞤬𞤮𞥅𞤤𞤮𞤼𞤭𞤪𞤮 𞤨𞤢𞤴𞤳𞤮𞤴:
𞤯𞤵𞤲 𞤳𞤮 𞤨𞤢𞤴𞤳𞤮𞤴 𞤱𞤮𞤲𞤵𞤳𞤮𞤴 𞤶𞤢𞤲𞤺𞤵𞤣𞤫 𞤳𞤢 𞤣𞤵𞤯𞤫 𞤲𞤺𞤫𞤲𞤣𞤭𞤴𞤢𞤲𞤳𞤮𞥅𞤶𞤫⹁ 𞤺𞤭𞤦𞤭 𞤶𞤫𞤪𞤫𞤳𞤮𞤪𞤫 𞤸𞤢𞥄 𞤳𞤵𞤲𞤣𞤢𞥄𞤪𞤢⹁ 𞤱𞤮𞤲𞤭 𞤳𞤮 𞤬𞤮𞥅𞤤𞤮𞤼𞤭𞤪𞤼𞤢 𞤫 𞤴𞤮𞤺𞤢 𞤫 𞤼𞤮𞤩𞥆𞤫 𞤯𞤫 𞤧𞤵𞤳𞤢𞥄𞤩𞤫 𞤩𞤫𞤲 𞤧𞤵𞤩𞤭 𞤴𞤮 𞤬𞤮𞥅𞤤𞤮𞤼𞤭𞤪𞤫 𞤫 𞤥𞤵𞤲: 𞤱𞤢𞤲𞤮 𞤶𞤢𞤲𞤺𞤵𞤺𞤮𞤤 𞤺𞤭𞤥𞤯𞤭⹁ 𞤼𞤢𞥄𞤪𞤭𞥅𞤳𞤢.
𞤧𞤫𞤤𞥆𞤵𞤳𞤢⹁ 𞤲𞤺𞤫𞥅𞤲𞤣𞤢𞤲𞤳𞤮𞤱𞤢𞤤⹁ 𞤲𞤦𞤫𞤪𞤼𞤵𞤤𞤢𞤤.........
𞤬𞤮𞥅𞤤𞤮𞤼𞤭𞤪𞤮 𞤧𞤵𞤳𞤢𞥄𞤩𞤫:
𞤬𞤮𞥅𞤤𞤮𞤼𞤭𞤪𞤢𞤤 𞤯𞤭𞤯𞤥𞤢𞤤 𞤲𞤺𞤢𞤤 𞤳𞤮 𞤧𞤵𞤳𞤢𞥄𞤩𞤫 𞤲𞤶𞤢𞤲𞤯𞤵𞤩𞤫 𞤺𞤭𞤦𞤭 𞤥𞤮 𞤣𞤵𞥅𞤩𞤭 𞥑𞥘 𞤸𞤢𞥄 𞤴𞤫𞥅𞤧𞤮⹁ 𞤱𞤮𞤲𞤭 𞤳𞤮 𞤱𞤢𞤯𞤢𞤼𞤢 𞤬𞤮𞥅𞤤𞤮𞤼𞤭𞤪𞤢𞤤 𞤺𞤭𞤥𞤯𞤭 𞤳𞤢 𞤯𞤫𞤲𞤺𞤢𞤤 𞤨𞤵𞤤𞤢𞤪.
𞤳𞤮 𞤸𞤮𞤲𞥆𞤮 𞤯𞤵𞤲 𞤴𞤢𞤸𞤪𞤢𞤼𞤢: 𞤬𞤮𞥅𞤤𞤮𞤼𞤭𞤪𞤢𞤤 𞤲𞤺𞤢𞤤 𞤳𞤮 𞤳𞤢 𞤸𞤢𞤳𞤼𞤭𞤧𞤵 𞤬𞤵𞤯𞥆𞤮𞤪𞤼𞤢⹁ 𞤯𞤵𞤲 𞤳𞤮 𞤳𞤢𞤤𞤢 𞤬𞤢𞥄𞤤𞤢𞥄𞤯𞤮 𞤼𞤢𞤱𞤣𞤫𞥅𞤣𞤫 𞤳𞤢 𞤬𞤮𞥅𞤤𞤮𞤼𞤭𞤪𞤮 𞤳𞤮 𞤴𞤮 𞤱𞤢𞤯𞤵 𞤯𞤮𞤱𞤤𞤵 𞤣𞤢𞤩𞥆𞤵 𞤲𞤺𞤵 𞤴𞤢𞤱𞤼𞤢𞥄 𞤸𞤮𞤶𞤮𞤥𞤫 𞥕⹁ 𞤢𞤣𞥆𞤢 𞤲𞤺𞤵⹁ 𞤲'𞤺𞤵 𞤱𞤫𞤲𞤺𞤫𞥅 𞤳𞤢 𞤯𞤫𞤪𞤮𞤤 𞤧𞤵𞤳𞤢𞥄𞤩𞤫 𞤢𞤣𞤤𞤢𞤥 𞤱𞤭𞤲𞤣𞤫𞤪𞤫 (𞤬𞤫𞥅𞤧𞤦𞤵𞤳)⹁ 𞤳𞤢𞤤𞤢 𞤩𞤵𞤪𞤯𞤮 𞤴𞤭𞤯𞤢𞤲𞤫𞥅𞤣𞤫 𞤯𞤮𞤱𞤤𞤵 𞤲𞤺𞤵𞤲 𞤬𞤫𞤰𞥆𞤢𞤼𞤢⹁ 𞤯𞤵𞤲 𞤲𞤮𞤲 𞤳𞤮 𞤩𞤫 𞥗 𞤱𞤮𞤪𞤩𞤫 𞥔 𞤫 𞤪𞤫𞤱𞤩𞤫 𞥓.
𞤩𞤫𞤲 𞤴𞤢𞤱𞤼𞤵𞤩𞤫 𞤯𞤮𞤲 𞤬𞤮𞤼𞥆𞤢𞤼𞤢 𞤫 𞤲𞤣𞤫𞤪 𞤧𞤢𞤸𞤪𞤫 𞤳𞤮𞤲𞤢𞥄𞤳𞤭𞤪𞤭 𞤲𞤣𞤫𞤲 𞤩𞤫 𞤬𞤮𞥅𞤤𞤮𞤼𞤭𞤪𞤢 𞤧𞤢𞤳𞥆𞤭𞤼𞤮𞤪𞤢𞤤 𞤲𞤺𞤢𞤤.
𞤶𞤫𞤱𞤼𞤫 𞤳𞤮𞥅𞤸𞤮𞥅𞤩𞤫:
𞤲𞤮 𞤶𞤫𞤴𞤢𞥄 𞤫 𞤳𞤮 𞤼𞤢𞤱𞤣𞤫𞤼𞤫𞥅 𞤳𞤢𞤣𞤭 𞤳𞤢 𞤻𞤢𞤤𞤢𞥄𞤲𞤣𞤫 𞤢𞤣𞤤𞤢𞤥 𞤫 𞤨𞤵𞤤𞤢𞥄𞤳𞤵⹁ 𞤶𞤫𞤱𞤼𞤫 𞤳𞤮𞥅𞤸𞤮𞥅𞤩𞤫.
𞤯𞤵𞤲 𞤳𞤮 𞤲𞤮𞤣𞥆𞤮𞤼𞤵𞤺𞤮𞤤 𞤳𞤵𞤥𞥆𞤢𞤤𞤵𞥅𞤩𞤫 𞤯𞤫𞤥𞤲𞤺𞤢𞤤 𞤲𞤺𞤢𞤤⹁ 𞤩𞤫 𞤢𞤪𞤢 𞤩𞤫 𞤴𞤫𞤱𞤼𞤢 𞤲𞤢𞤬𞤮𞥅𞤪𞤫 𞤯𞤫𞤲𞤺𞤢𞤤 𞤨𞤵𞤤𞤢𞤪 𞤲𞤺𞤢𞤤⹁ 𞤳𞤢 𞤪𞤫𞤲𞤣𞤮 𞤬𞤵𞤤𞤩𞤫 𞤩𞤫𞤲⹁ 𞤥𞤢𞤤𞥆𞤢 𞤫 𞤼𞤮𞤩𞥆𞤫 𞤸𞤭𞤼𞥆𞤵𞤯𞤫 𞤺𞤮𞥅 𞤳𞤢𞤣𞤭.
𞤚𞤭𞤲𞤣𞤭 𞤫 𞤼𞤢𞥄𞤤𞤭:
𞤯𞤵𞤲 𞤳𞤮 𞤲𞤮𞤣𞥆𞤵𞤼𞤵𞤺𞤮𞤤 𞤧𞤵𞤳𞤢𞥄𞤩𞤫 𞤥𞤢𞤤𞥆𞤢 𞤨𞤢𞤴𞤳𞤮𞤴 𞤢𞤪𞤢 𞤶𞤮𞥅𞤯𞤮𞥅 𞤼𞤢𞥄𞤤𞤢 𞤴𞤫𞥅𞤧𞤮 𞤲𞤦𞤢𞤼𞤵 𞤲'𞤺𞤵𞤲.
𞤺𞤭𞤥𞤭 𞤫 𞤺𞤢𞤥𞤭:
𞤒𞤭𞤥𞤮𞥅𞤩𞤫 𞤤𞤮𞤤𞥆𞤵𞤩𞤫 𞤫 𞤯𞤫𞤲𞤺𞤢𞤤 𞤨𞤵𞤤𞤢𞤪 𞤲𞤺𞤢𞤤 𞤲𞤮𞤣𞥆𞤭𞤼𞤫𞤼𞤫 𞤬𞤭𞤶𞤢𞤲𞤢 𞤶𞤢𞤥𞤢𞥄 𞤮𞤲 𞤳𞤢 𞤼𞤭𞤥𞥆𞤮𞥅𞤣𞤫 𞤶𞤮𞥅𞤯𞤲𞤣𞤫 𞤲𞤣𞤫𞤲.
𞤨𞤭𞥅𞤶𞤭 𞤦𞤵𞤴 𞤳𞤢𞤣𞤭 𞤵𞤳𞥆𞤭𞤼𞤭𞥅𞤯𞤭 𞤸𞤭𞤲𞤮 𞤼𞤢𞤱𞤣𞤫𞥅 𞤫 𞤥𞤵𞤲⹁ 𞤱𞤢𞤲𞤮 𞤶𞤭𞤩𞤭-𞤤𞤭𞤩𞤭⹁ 𞤱𞤫𞥅𞤩𞤵𞤼𞤵𞤺𞤮𞤤 𞤣𞤫𞤬𞤼𞤫⹁ 𞤲𞤢𞥄𞤥𞤵𞥅𞤶𞤭 𞤬𞤵𞤤𞤩𞤫⹁ 𞤩𞤮𞤪𞤲𞤢𞤼𞤫𞥅𞤪𞤭 𞤬𞤵𞤤𞤩𞤫 𞤲𞤣𞤫𞤬𞤵 𞤬𞤵𞤤𞤩𞤫 𞤫𞤳𞤲𞤯.....
𞤔𞤫𞤲𞥆𞤫 𞤣𞤵𞤺𞤵𞤧𞤢𞤤𞤭
