𞤆𞤮𞤼𞥆𞤭𞤼𞤢𞤤 𞤬𞤭𞥅 𞤱𞤢𞤴𞤤𞤭𞥅𞤺𞤵 𞤢𞤬𞤪𞤭𞤳𞤭(transform africa summit) 𞤳𞤮 𞤼𞤵𞤥𞤦𞤮𞤲𞤣𞤭𞤪𞤢𞤤 𞤩𞤵𞤪𞤲𞤺𞤢𞤤 𞤲𞤶𞤢𞤲𞤯𞤵𞤣𞤫 𞤢𞤬𞤪𞤭𞤳𞤭 𞤬𞤭𞥅 𞤤𞤭𞤥𞤭𞤴𞤢𞤲𞤳𞤮⹁ 𞤫 𞤬𞤭𞥅 𞤳𞤢𞤪𞤤𞤢𞥄𞤳𞤵⹁
𞤱𞤢𞤯𞤢𞤴𞤲𞤣𞤫 𞤻𞤢𞤤𞤲𞤣𞤫 𞥑𞥒 𞤸𞤢𞥄 𞥑𞥔 𞤶𞤮𞤤𞤮 𞥒𞥐𞥒𞥕.
𞤑𞤮 𞤼𞤵𞤥𞤦𞤮𞤲𞤣𞤭𞤪𞤢𞤤 𞤸𞤭𞤼𞥆𞤵𞤲𞤺𞤢𞤤 𞤬𞤮𞤼𞤢 𞤱𞤮𞤲𞤢𞤲𞤣𞤫 𞤢𞤬𞤪𞤭𞤳𞤭 𞤬𞤮𞤱.
𞤚𞤮𞤩𞥆𞤫𞤪𞤫 𞤩𞤵𞤪𞤲𞤣𞤫 𞤸𞤭𞤼𞥆𞤵𞤣𞤫 𞤲𞤣𞤫𞤲 𞤸𞤭𞤳𞥆𞤢 𞤳𞤮: 𞤐𞤘𞤉𞥅𞤚𞤓 𞤉𞤅𞤚𞤓𞤐𞤘𞤓 𞤊𞤋𞥅 𞤀𞤊𞤈𞤋𞤑𞤋.
𞤧𞤭𞤲𞤷𞤫𞤲 𞤳𞤢 𞤥𞤫𞤫𞤲 𞤬𞤭𞥅 𞤲𞤢𞤬𞤵𞤺𞤮𞤤 𞤢𞤣𞤵𞤲𞤢𞥄𞤪𞤵 𞤲𞤣𞤵𞤲 𞤬𞤮𞤱.
𞤊𞤢𞥄𞤲𞤣𞤢𞥄𞤪𞤫 𞤲𞤣𞤫𞤲 𞤳𞤮 𞤸𞤮𞤲𞥆𞤮 𞤢𞤬𞤪𞤭𞤳𞤭 𞤸𞤵𞥅𞤼𞤮𞤪𞤼𞤢 𞤲𞤺𞤵𞥅 𞤳𞤢𞤪𞤤𞤢𞥄𞤳𞤵 𞤳𞤫𞤧𞤵 ⹁ 𞤼𞤫𞤲𞤼𞤭𞤲𞤭𞥅 𞤲𞤺𞤫𞥅𞤼𞤵 𞤫𞤧𞤼𞤵𞤲𞤺𞤵 𞤲𞤺𞤵𞤲⹁ 𞤬𞤭𞥅 𞤸𞤫𞤩𞤵𞤺𞤮𞤤 𞤩𞤢𞤲𞤼𞤢𞥄𞤪𞤫 𞤫 𞤰𞤫𞤤𞥆𞤭𞤼𞤢𞥄𞤪𞤫.
𞤑𞤮 𞤴𞤮𞤲𞤢𞤼𞤢 𞤴𞤭𞤥𞤩𞤫 𞥒𞥐𞥐𞥐 𞤸𞤭𞤼𞥆𞤵𞤩𞤫 (𞤂𞤢𞥄𞤥𞤩𞤫 𞤫 𞤶𞤢𞥄𞤺𞤮𞤪𞤩𞤫⹁ 𞤢𞤪𞤣𞤭𞥅𞤩𞤫 𞤴𞤭𞥅𞤤𞤭𞤪𞤯𞤫 𞤥𞤢𞤱𞤯𞤫⹁ 𞤶𞤮𞥅𞤥𞤢 𞤶𞤢𞤱𞤤𞤫𞥅𞤩𞤫⹁ )𞤼𞤢𞤱𞤣𞤫𞤼𞤫 𞤫 𞤲𞤣𞤫𞥅 𞤶𞤮𞥅𞤯𞤲𞤣𞤫.
𞤳𞤮 𞤴𞤮𞤲𞤭 𞤤𞤫𞤧𞤯𞤫 𞥔𞥐⹁ 𞤢𞤪𞤮𞤴𞤢𞤴 𞤳𞤮𞤲𞤢𞥄𞤳𞤭𞤪𞤭.
𞤍𞤵𞤲 𞤳𞤮 𞤬𞤢𞤪𞤼𞤢𞤽𞥆𞤫 𞤥𞤢𞤱𞤯𞤫 𞤱𞤮𞤲𞤢𞤲𞤣𞤫 𞤺𞤭𞤲𞤫 𞤬𞤭𞥅 𞤴𞤮 𞤩𞤫 𞤢𞤲𞤣𞤫⹁ 𞤫 𞤶𞤭𞤻𞤭𞤲𞤺𞤮𞤤 𞤶𞤮𞥅𞤥𞤢 𞤶𞤢𞤱𞤤𞤫 𞤫𞤲 𞤬𞤭𞥅 𞤵𞤳𞥆𞤵𞤺𞤮𞤤 𞤶𞤢𞤱𞤤𞤫 𞤫 𞤲𞤣𞤫𞤪 𞤤𞤫𞤧𞤣𞤭 𞤲𞤣𞤭𞤲 𞤫 𞤦𞤢𞤲𞤽𞤫 𞤳𞤢𞤪𞤤𞤢𞥄𞤳𞤵.
𞤏𞤢𞤯𞤮𞤴𞤢𞤴 𞤳𞤢𞤣𞤭 (𞤱𞤫𞤲𞤶𞤮𞤲𞤣𞤭𞤪𞤫)𞤶𞤫𞤱𞤼𞤫 𞤬𞤭𞥅 𞤴𞤭𞤴𞤼𞤵𞤺𞤮𞤤 𞤬𞤫𞤸𞤫 𞤤𞤭𞤥𞤭𞤴𞤢𞤲𞤳𞤮 𞤸𞤢𞤺𞥆𞤵𞤲𞤺𞤵( numérique local)⹁ 𞤢𞤱𞤼𞤭𞤳𞤧𞤭𞤧𞤢𞤤 (cyber sécurité)⹁𞤫 𞤲𞤫𞤸𞤣𞤭.
𞤉 𞤲𞤣𞤫𞤪 𞤦𞤢𞤤𞤯𞤫 𞥓 𞤺𞤭𞤲𞤫 𞤱𞤮𞤲𞤢𞤴 𞤼𞤵𞤥𞤦𞤫𞤪𞤫 𞤸𞤫𞤧𞤯𞤭𞤲𞤮 𞤳𞤢𞤪𞤤𞤢𞥄𞤳𞤵 𞤫 𞤲𞤣𞤫𞤪 𞤢𞤬𞤪𞤭𞤳𞤭.
𞤉 𞤬𞤢𞥄𞤲𞤣𞤵𞤲𞤣𞤫 𞤴𞤮 𞤳𞤢𞤪𞤤𞤢𞥄𞤳𞤵 𞤲𞤺𞤵𞤲⹁ 𞤲𞤺𞤫𞥅𞤼𞤵 𞤫𞤧𞤼𞤵𞤲𞤺𞤵 𞤲𞤺𞤵𞤲 𞤫 𞤳𞤵𞥅𞤩𞤢𞤤⹁ 𞤴𞤮 𞤱𞤮𞤲𞤵 𞤸𞤵𞥅𞤲𞤣𞤫 𞤣𞤢𞤪𞤲𞤢𞤴𞤲𞤣𞤫 𞤶𞤢𞤲𞤺𞤮 𞤢𞤬𞤪𞤭𞤳𞤭 𞤥𞤮𞤰𞥆𞤮.
𞤉𞤲 𞤢𞤲𞤣𞤭𞤼𞤭𞤲𞤢𞤴 𞤼𞤵𞤲⹁𞤳𞤮 𞤲𞤣𞤫𞥅 𞤥𞤮𞤶𞤮𞤦𞤫𞤪𞤫 𞤱𞤭𞤴𞤫𞤼𞤫𞥅𞤲𞤣𞤫(smart africa) 𞤲𞤣𞤫 𞤣𞤢𞥄𞤳𞤵𞤲𞤣𞤫 𞤥𞤵𞤲 𞤱𞤮𞤲𞤭 𞤑𞤭𞤺𞤢𞤤𞤭𞥅⹁𞤱𞤮𞤲𞤭 𞤳𞤮 𞤴𞤵𞤩𞥆𞤭𞤲𞤼𞤢𞤲𞤣𞤫 𞤲𞤣𞤫𞥅 𞤶𞤮𞥅𞤯𞤲𞤣𞤫.
𞤳𞤮 𞤶𞤮𞥅𞤯𞤲𞤣𞤫 𞥗 𞤩𞤫𞤪𞤫 𞤲𞤣𞤫𞤲 𞤲𞤭𞥅. 𞤳𞤮 𞤢𞤪𞤢𞤲𞤵𞤲 𞤯𞤵𞤲 𞤲𞤭𞥅 𞤴𞤮 𞤤𞤫𞤧𞤣𞤭 𞤶𞤫𞤴𞤢𞥄𞤲𞤣𞤭 𞤸𞤭𞥅𞤪𞤲𞤢 𞤢𞤬𞤪𞤭𞤳𞤭 𞤴𞤮 𞤱𞤫𞥅𞤪𞤲𞤵 𞤲𞤺𞤢𞤤 𞤨𞤮𞤼𞥆𞤭𞤼𞤢𞤤.
𞤍𞤵𞤲 𞤱𞤮𞤲𞤢𞤲𞤭 𞤺𞤭𞤲𞤫 𞤨𞤮𞥅𞤤𞤺𞤵 𞤲𞤶𞤢𞤲𞤵.
𞤸𞤭𞤲𞤮 𞤶𞤫𞤴𞤢𞥄 𞤫 𞤸𞤮𞥅𞤪𞤫𞥅𞤩𞤫 𞤤𞤫𞤧𞤯𞤫 𞤸𞤢𞤦𞥆𞤢𞥄𞤩𞤫 𞤫 𞤲𞤺𞤢𞤤 𞤼𞤵𞤥𞤦𞤮𞤲𞤣𞤭𞤪𞤢𞤤 𞤆𞤌𞥅𞤂 𞤘𞤀𞤘𞤀𞤃𞤉𞥅⹁ 𞤸𞤮𞥅𞤪𞤫𞥅𞤶𞤮 𞤈𞤵𞤱𞤢𞤲𞤣𞤢𞥄 𞤮𞤲.
✍️𞤔𞤉𞤐𞥆𞤉 𞤁𞤌𞤘𞤓𞤅𞤀𞤂𞤋
𞤌𞤲 𞤱𞤫𞤤𞤼𞤢𞤲𞤢𞥄𞤥𞤢 𞤳𞤮 𞤸𞤵𞤥𞤨𞤭𞤼𞤭 𞤯𞤭𞤲 𞤥𞤫𞤲 𞤳𞤮𞤲