𞤀𞤴𞤧𞤢𞥄 𞤧𞤮𞥅 ⹁ 𞤶𞤢𞤥𞥆𞤢𞥄𞤯𞤮 𞤲𞤫𞥅𞤲𞤫 𞤢𞤣𞤤𞤢𞤥 𞤢𞤪𞤣𞤭𞤳𞤫 𞤸𞤢𞤨𞥆𞤵 𞤯𞤭𞤯𞤢𞤩𞤵 𞤳𞤢 𞤧𞤵𞤳𞤢𞥄𞤩𞤫 𞤢𞤣𞤤𞤢𞤥 𞤱𞤭𞤲𞤣𞤫𞤪𞤫.
𞤳𞤮 𞤫 𞤸𞤭𞤼𞤢𞥄𞤲𞤣𞤫 𞥒𞥐𞥒𞥓 𞤷𞤮𞤬𞤼𞤢𞤤 𞤢𞤪𞤢𞤲𞤢𞤤 𞤲𞤺𞤢𞤤 𞤱𞤢𞤯𞤭⹁ 𞤮 𞤢𞤪𞤣𞤭𞥅 𞤣𞤵𞥅𞤩𞤭 𞤯𞤭𞤯𞤭⹁ 𞤳𞤮 𞤳𞤢𞤲𞤳𞤮 𞤫 𞤺𞤮𞤤𞥆𞤭𞤣𞤭𞥅𞤩𞤫 𞤥𞤢𞤳𞥆𞤮 𞤺𞤮𞤤𞥆𞤭 𞤺𞤮𞤤𞥆𞤫 𞤼𞤭𞥅𞤯𞤵𞤯𞤫 𞤳𞤢 𞤧𞤵𞤳𞤢𞥄𞤩𞤫 𞤢𞤣𞤤𞤢𞤥 𞤱𞤭𞤲𞤣𞤫𞤪𞤫.
𞤸𞤢𞤨𞥆𞤵 𞤥𞤢𞤳𞥆𞤮 𞤢𞤪𞤢𞤲𞤵 𞤲𞤺𞤵𞤲 𞤳𞤮 𞤳𞤢 𞤤𞤢𞤲𞥆𞤮𞥅𞤣𞤫 𞤸𞤭𞤼𞤢𞥄𞤲𞤣𞤫 𞥒𞥐𞥒𞥔 𞤱𞤮𞤲𞤭 𞤳𞤮 𞤤𞤢𞤲𞥆𞤭.
𞤳𞤮 𞤫 𞤪𞤫𞤬𞤦𞤭𞥅𞤪𞤫 𞤻𞤢𞤤𞤲𞤣𞤫 𞥒 𞤷𞤮𞤤𞤼𞤮 𞥒𞥐𞥒𞥕 𞤱𞤮𞤲𞤭 𞤳𞤮 𞤷𞤮𞤬𞤼𞤫 𞤯𞤫𞤲 𞤱𞤢𞤯𞤭 𞤳𞤢 𞤣𞤫𞤲𞤼𞤢𞤤 𞤧𞤵𞤳𞤢𞥄𞤩𞤫 𞤢𞤣𞤤𞤢𞤥 𞤱𞤭𞤲𞤣𞤫𞤪𞤫⹁ 𞤮 𞤬𞤮𞥅𞤤𞤭 𞤳𞤢𞤣𞤭 𞤬𞤭𞥅 𞤸𞤢𞤨𞥆𞤵 𞤯𞤭𞤯𞤢𞤩𞤵.
𞤳𞤮 𞤥𞤢𞤱𞤦𞤢𞥄𞤪𞤫 𞤻𞤢𞤤𞤲𞤣𞤫 𞥔 𞤷𞤮𞤤𞤼𞤮 𞥒𞥐𞥒𞥕 𞤺𞤮𞥅𞤥𞤵 𞤸𞤢𞤤𞤬𞤭𞤲𞤢𞥄𞤲𞤺𞤵 𞤷𞤮𞤬𞤼𞤫 𞤯𞤫𞤲 𞤸𞤮𞤤𞥆𞤭𞤼𞤭 𞤬𞤮𞥅𞤤𞤵𞤯𞤮 𞤮𞤲.
𞤳𞤮 𞤯𞤭𞤯𞤮 𞤨𞤫𞤼 𞤴𞤢𞤤𞤼𞤵𞤲𞤮𞥅 𞤬𞤭𞥅 𞤢𞤪𞤣𞤢𞤺𞤮𞤤 𞤧𞤵𞤳𞤢𞥄𞤩𞤫 𞤢𞤣𞤤𞤢𞤥 𞤱𞤭𞤲𞤣𞤫𞤪𞤫 ⹁ 𞤯𞤵𞤲 𞤳𞤮 : 𞤋𞤄𞤈𞤀𞤖𞤋𞥅𞤃𞤀 𞤄𞤢𞥄 𞤥𞤮 𞤧𞤢𞤪𞤢𞤤𞤮𞤲⹁ 𞤱𞤮𞤲𞤼𞤭𞤪𞤯𞤮 𞤬𞤢𞤪𞤢𞤲𞤧𞤭 𞤲𞤭𞥅𞤲𞤭𞥅⹁ 𞤫 𞤀𞤒𞤅𞤀𞥄 𞤅𞤌𞥅 𞤺𞤭𞤲𞤫𞤲𞤢𞥄𞤶𞤮⹁ 𞤶𞤭𞤦𞤭𞤲𞤢𞥄𞤯𞤮 𞤲𞤶𞤢𞤲𞤯𞤭 𞤳𞤮𞤣𞥆𞤭𞤱𞤢𞥄𞤪.
𞤑𞤮 𞤢𞤼𞥆𞤭𞥅 𞤰𞤫𞤼𞥆𞤵𞤣𞤫 𞤸𞤢𞥄𞤤𞤢 𞤳𞤢𞤲 𞤳𞤮 𞤋𞤄𞤈𞤀𞤖𞤋𞥅𞤃𞤀 𞤄𞤢𞥄 𞤬𞤮𞥅𞤤𞤢𞥄𞤯𞤮 𞤮𞤲:
𞤮 𞤹𞤭𞤪𞥆𞤭𞤼𞤭𞥅 𞤶𞤢𞤩𞤵𞤺𞤮𞤤 𞤷𞤮𞤬𞤼𞤫 𞤯𞤫𞤲 ⹁ 𞤮 𞤱𞤫𞤤𞤼𞤢𞤲𞤭𞥅 𞤺𞤮𞥅𞤥𞤵 𞤳𞤭𞤨𞥆𞤵𞤲𞤺𞤵 𞤲𞤺𞤵𞤲 𞤬𞤭𞥅 𞤷𞤮𞤬𞤼𞤫 𞤯𞤫𞤲⹁ 𞤮 𞤩𞤫𞤴𞤣𞤭𞤼𞤭 𞤳𞤢𞤲𞤳𞤮 𞤸𞤭𞤥𞤮 𞤢𞤲𞤣𞤭 𞤧𞤭 𞤀𞤴𞤧𞤢𞥄 𞤧𞤮𞥅 𞤢𞤪𞤣𞤭𞤳𞤫 𞤸𞤢𞤪𞤢𞤴 𞤸𞤭𞤲𞤮 𞤱𞤢𞤴𞤭 𞤧𞤭 𞤳𞤮 𞤳𞤢𞤲𞤳𞤮 𞤢𞤪𞤣𞤭𞥅 ⹁ 𞤧𞤢𞤦𞤵 𞤨𞤮𞥅𞤯𞤮𞤲𞤣𞤭𞤪𞤢𞤤 𞤢𞤤𞤢𞥄 𞤸𞤢𞤳𞥆𞤵𞤲𞤣𞤫 𞤥𞤢𞤩𞥆𞤫⹁ 𞤮 𞤩𞤫𞤴𞤣𞤭𞤼𞤭 𞤱𞤮𞤲𞤣𞤫 𞤧𞤵𞤳𞤢𞥄𞤩𞤫 𞤢𞤣𞤤𞤢𞤥 𞤱𞤮𞤲𞤢𞥄 𞤨𞤮𞥅𞤯𞤮𞤲𞤣𞤭𞤪𞤮𞥅𞤩𞤫⹁ 𞤥𞤢𞤤𞥆𞤢 𞤨𞤭𞥅𞤪𞤮𞥅𞤩𞤫 𞤬𞤭𞥅 𞤢𞤪𞤣𞤢𞤺𞤮𞤤⹁ 𞤨𞤭𞥅𞤪𞤮 𞤥𞤢𞤩𞥆𞤫 𞤲'𞤺𞤮𞤲 𞤬𞤮𞤱 𞤳𞤮 𞤬𞤭𞥅 𞤴𞤮 𞤨𞤵𞤤𞤢𞥄𞤳𞤵 𞤩𞤢𞤲𞤼𞤮⹁ 𞤦𞤭𞤲𞤣𞤮𞤤 𞤢𞤣𞤤𞤢𞤥 𞤲𞤺𞤮𞤤 𞤩𞤢𞤲𞤼𞤮𞥅⹁ 𞤸𞤫𞤱𞤼𞤢 𞤳𞤢 𞤯𞤭𞤴𞤢 𞤦𞤭𞤲𞤣𞤭 𞤤𞤮𞤤𞥆𞤵𞤯𞤭 𞤸𞤫𞤱𞤼𞤭 𞤯𞤮𞤲⹁ 𞤯𞤫𞤥𞤲𞤺𞤢𞤤 𞤨𞤵𞤤𞤢𞤪 𞤲𞤺𞤢𞤤 𞤶𞤢𞥄𞤤𞤮𞥅.
𞤮 𞤼𞤮𞥅𞤪𞤭 𞤴𞤮 𞤶𞤮𞤳𞥆𞤵𞤩𞤫 𞤢𞤣𞤤𞤢𞤥 𞤩𞤫𞤲 𞤬𞤮𞤼𞥆𞤵 𞤸𞤢𞤪𞤢 𞤩𞤫 𞤧𞤫𞤪𞤼𞤢𞥄𞤤𞤭⹁ 𞤩𞤫 𞤨𞤮𞥅𞤯𞤮𞤲𞤣𞤭𞤪𞤢𞥄𞤤𞤭⹁ 𞤳𞤮 𞤯𞤵𞤲 𞤧𞤭 𞤩𞤫 𞤴𞤢𞤸𞤪𞤢 𞤴𞤫𞥅𞤧𞤮.
𞤇𞤢𞤴 𞤯𞤵𞤲 𞤯𞤮𞤲 𞤬𞤫𞤰𞥆𞤭𞥅 𞤳𞤮: 𞤀𞤴𞤧𞤢𞥄 𞤧𞤮𞥅 𞤬𞤮𞥅𞤤𞤵𞤯𞤮 𞤮𞤲 𞤰𞤫𞤼𞥆𞤭 𞤸𞤢𞥄𞤤𞤢 𞤳𞤢𞤲⹁ 𞤳𞤢𞤲𞤳𞤮 𞤳𞤢𞤣𞤭 𞤮 𞤱𞤫𞤤𞤼𞤢𞤲𞤭𞥅 𞤺𞤮𞥅𞤥𞤵 𞤸𞤢𞤤𞤬𞤭𞤲𞤢𞥄𞤲𞤺𞤵 𞤲𞤺𞤵𞤲 𞤷𞤮𞤬𞤼𞤫 𞤯𞤫𞤲 ⹁ 𞤪𞤫𞤬𞤼𞤭 𞤯𞤵𞤲 𞤮 𞤱𞤫𞤤𞤼𞤢𞤲𞤭𞥅 𞤧𞤵𞥅𞤳𞤢𞥄𞤩𞤫 𞤢𞤣𞤤𞤢𞤥 𞤱𞤭𞤲𞤣𞤫𞤪𞤫 𞤩𞤫 𞤣𞤫𞤲𞤣𞤢𞥄𞤲𞤺𞤢𞤤⹁𞤧𞤢𞤦𞤵 𞤳𞤮 𞤩𞤫 𞤸𞤮𞥅𞤤𞤭𞥅𞤥𞤮 𞤫 𞤲𞤺𞤢𞤤 𞤯𞤮𞥅 𞤳𞤢𞤣𞤭 𞤩𞤫 𞤧𞤵𞤩𞤭𞥅𞤥𞤮 𞤬𞤭𞥅 𞤢𞤪𞤣𞤢𞤺𞤮𞤤 𞤣𞤵𞥅𞤩𞤭 𞤯𞤭𞤯𞤭 𞤳𞤢𞤣𞤭 𞤧𞤵𞤳𞤢𞥄𞤩𞤫 𞤢𞤣𞤤𞤢𞤥 𞤱𞤭𞤲𞤣𞤫𞤪𞤫.
𞤌 𞤸𞤮𞤤𞥆𞤭 𞤳𞤢𞤣𞤭 𞤱𞤮𞤲𞤣𞤫 𞤳𞤮 𞤳𞤢𞤲𞤳𞤮 𞤢𞤪𞤣𞤭𞥅 𞤳𞤮𞤲𞤮 𞤳𞤮 𞤧𞤭 𞤬𞤮𞤱 𞤶𞤮𞤺𞤮𞤲𞤣𞤭𞤪𞤭𞥅 𞤧𞤭 𞤺𞤮𞤤𞥆𞤫 𞤯𞤫𞤲 𞤱𞤢𞥄𞤱𞤢 𞤴𞤢𞤸𞤪𞤵𞤣𞤫 𞤴𞤫𞥅𞤧𞤮 𞤲𞤮 𞤬𞤫𞥅𞤬𞤭𞤪𞤭⹁ 𞤮 𞤼𞤮𞤪𞤭𞥅 𞤴𞤮 𞤧𞤵𞤳𞤢𞥄𞤩𞤫 𞤢𞤣𞤤𞤢𞤥 𞤱𞤭𞤲𞤣𞤫𞤪𞤫 𞤨𞤮𞤼𞥆𞤢𞤤 𞤫 𞤲𞤢𞤲𞤮𞤲𞤣𞤭𞤪𞤢𞤤.
𞤮 𞤱𞤫𞤤𞤼𞤢𞤲𞤭𞥅 𞤳𞤢𞤣𞤭 𞤭𞤦𞤪𞤢𞥄𞤸𞤭𞥅𞤥𞤢 𞤦𞤢𞥄 𞤬𞤮𞤼𞤢 𞤧𞤢𞤦𞤵 𞤳𞤮 𞤮 𞤶𞤢𞤩𞤭 𞤳𞤮𞤲 𞤷𞤮𞤬𞤼𞤫 𞤯𞤫𞤲 𞤮 𞤧𞤢𞤼𞥆𞤭𞤲𞤢𞥄𞤤𞤭⹁ 𞤮 𞤩𞤫𞤴𞤣𞤭𞤼𞤭 𞤳𞤢𞤥𞤩𞤫 𞤯𞤭𞤯𞤮 𞤲𞤫𞥅𞤩𞤭𞥅 𞤳𞤮 𞤩𞤫 𞤢𞤲𞤣𞤭𞤲𞤣𞤭𞤪𞤭 𞤩𞤫 𞤬𞤵𞤯𞥆𞤭𞥅 𞤺𞤮𞤤𞥆𞤵𞤣𞤵𞤣𞤫⹁ 𞤳𞤮𞤲𞤮 𞤸𞤢𞥄 𞤶𞤮𞥅𞤲𞤭 𞤨𞤮𞥅𞤯𞤮𞤲𞤣𞤭𞤪𞤢𞤤 𞤩𞤵𞤪𞤲𞤺𞤢𞤤 𞤬𞤢𞤥𞤯𞤵𞤣𞤫 𞤴𞤢𞤲𞤢𞥄𞤤𞤭 𞤸𞤢𞤳𞥆𞤵𞤲𞤣𞤫 𞤥𞤢𞤩𞥆𞤫⹁ 𞤮 𞤸𞤮𞤤𞥆𞤭𞤼𞤭 𞤯𞤮𞤲 𞤳𞤭𞤧𞤢𞤲 𞤳𞤮 𞤳𞤢𞤲𞤳𞤮 𞤭𞤦𞤪𞤢𞥄𞤸𞤭𞥅𞤥𞤢 𞤦𞤢𞥄 𞤮 𞤱𞤢𞤯𞤢𞤼𞤢 𞤷𞤮𞤳𞥆𞤮 𞤥𞤢𞤳𞥆𞤮 𞤮𞤲⹁ 𞤸𞤢𞤴 𞤬𞤭𞥅 𞤸𞤫𞤱𞤼𞤢𞥄𞤤𞤭 𞤳𞤢 𞤮 𞤶𞤮𞤯𞥆𞤭𞤲𞤢 𞤺𞤮𞤤𞥆𞤭𞤣𞤭𞥅𞤩𞤫 𞤥𞤢𞤳𞥆𞤮 𞤩𞤫𞤲.
𞤉𞤲 𞤢𞤲𞤣𞤭𞤼𞤭𞤲𞤢𞤴 𞤼𞤵𞤲⹁𞤋𞤄𞤈𞤀𞥄𞤖𞤋𞥅𞤃𞤀 𞤄𞤀𞥄 𞤫 𞤀𞤒𞤅𞤀𞥄 𞤅𞤌𞥅 𞤳𞤮 𞤳𞤢𞤥𞤩𞤫 𞤱𞤮𞤲𞤭 𞤳𞤮 𞤧𞤭𞤲𞤷𞤭 𞤣𞤵𞤯𞤢𞤤 𞤲𞤺𞤢𞤤 𞤩𞤫 𞤶𞤢𞤥𞥆𞤭 𞤁𞤋𞤄𞤀𞤅⹁ 𞤶𞤫𞤴𞤢𞥄𞤲𞤺𞤢𞤤 𞤫 𞤣𞤵𞤯𞤫 𞤩𞤵𞤪𞤯𞤫 𞤥𞤢𞤱𞤲𞤵𞤣𞤫 𞤳𞤢 𞤢𞤣𞤤𞤢𞤥 𞤱𞤮𞤲𞤢𞥄 𞤶𞤢𞤲𞤺𞤫𞥅𞤣𞤫⹁ 𞤧𞤢𞤦𞤵 𞤴𞤭𞤥𞤩𞤫 𞤺𞤵𞤤𞤵𞥅𞤶𞤭 𞤶𞤢𞤲𞤺𞤭𞥅 𞤫 𞤥𞤢𞤺𞥆𞤢𞤤.
𞤒𞤮 𞤀𞤂𞤂𞤀 𞤱𞤢𞥄𞤱𞤲𞤵 𞤀𞤒𞤅𞤀𞥄 𞤅𞤌𞥅 𞤶𞤮𞤺𞤢𞤺𞤮𞤤 𞤳𞤮 𞤮 𞤸𞤢𞤤𞤬𞤭𞤲𞤢𞥄 𞤳𞤮𞤲.
✍️ 𞤔𞤉𞤐𞥆𞤉 𞤁𞤌𞤘𞤓𞤅𞤀𞤂𞤋.
𞤑𞤮 𞤱𞤢𞤳𞥆𞤭𞤤𞤢𞤺𞤮𞤤 𞤫 𞤺𞤮𞤤𞥆𞤫 𞤯𞤫𞤲⹁ 𞤻𞤭𞥅𞤥𞤲𞤢 𞤸𞤮𞥅𞤤𞤢𞥄𞤪𞤫 𞤲𞤣𞤫𞤲.
𞤌𞤲 𞤶𞤢𞤪𞤲𞤢𞥄𞤥 𞤬𞤮𞤼
𞤌𞤲 𞤱𞤫𞤤𞤼𞤲𞤢𞥄𞤥𞤢
𞤌𞤲 𞤏𞤫𞤤𞤼𞤢𞤲𞤢𞥄𞤥𞤢 𞤥𞤭 𞤚𞤢𞤪𞤭𞤳𞤫 𞤘𞤫𞤲𞤮𞤲 𞤒𞤮 𞤌𞤳𞤵𞤫𞤲 𞤆𞤮𞤤𞥋𞤺𞤢𞤤 𞤌 𞤇𞤢𞤲𞤼𞤢𞤲𞤢𞤫𞤲 𞤍𞤭 𞤄𞤭𞤲𞤣𞤭 𞤃𞤫𞥅𞤯𞤫𞤲
𞤺𞤮𞤤𞥆𞤫 𞤯𞤫𞤲 𞤤𞤢𞤩𞤭𞥅 𞤤𞤢𞤦𞤢𞥄𞤥𞤢
𞤌𞤲 𞤱𞤫𞤤𞤼𞤢𞤲𞤢𞥄𞤥𞤢 𞤯𞤮𞥅 𞤬𞤢𞥄𞤥𞤭𞤳𞤫 𞤥𞤮𞤰𞥆𞤢⹁ 𞤴𞤮 𞤀𞤤𞤤𞤢 𞤲𞤢𞤱𞤪𞤵 𞤫𞤲 𞤴𞤫𞥅𞤧𞤮.
𞤌𞤲 𞤱𞤫𞤤𞤼𞤢𞤲𞤢𞥄𞤥𞤢 𞤯𞤮𞥅 𞤬𞤢𞥄𞤥𞤭𞤳𞤫 𞤥𞤮𞤰𞥆𞤢⹁ 𞤴𞤮 𞤀𞤤𞤤𞤢 𞤲𞤢𞤱𞤪𞤵 𞤫𞤲 𞤴𞤫𞥅𞤧𞤮.