𞤘𞤀𞥄𞤅𞤋=gaz
𞤭𞤲𞤣𞤫 𞤢𞤥 𞤳𞤮 𞤪𞤢𞤥𞤢𞤣𞤢𞥄𞤲𞤢 𞤶𞤢𞤤𞥆𞤮 𞤶𞤭𞤦𞤭𞤲𞤢𞤲𞤣𞤫 𞤨𞤭𞤼𞤢 𞤦𞤢𞤲𞤼𞤭𞤽𞤫𞤤.
𞤘𞤮𞤤𞥆𞤫 𞤢𞤥 𞤳𞤮 𞤴𞤫𞥅𞤴𞤵𞤺𞤮𞤤 𞤺𞤢𞥄𞤧𞤭 gaz⹁ 𞤭𞤲𞤣𞤫 𞤺𞤮𞤤𞥆𞤭𞤪𞤣𞤫 𞤢𞤥 𞤲𞤣𞤫𞤲 𞤳𞤮 𞤪𞤢𞤥𞤢𞤣𞤢𞥄𞤲𞤢 𞤬𞤮𞤲𞤮𞥅.
𞥟𞤳𞤮 𞤸𞤮𞤲𞤣𞤫 𞤼𞤵𞤥𞤢 𞤬𞤵𞤯𞥆𞤭𞤯𞤮𞤲 𞤴𞤫𞥅𞤴𞤵𞤣𞤫 𞤺𞤢𞥄𞤧𞤭؟
𞤳𞤮 𞤫 𞤸𞤭𞤼𞤢𞥄𞤲𞤣𞤫 𞥒𞥐𞥑𞥕 𞤥𞤭 𞤬𞤵𞤯𞥆𞤭𞥅 𞤴𞤫𞥅𞤴𞤵𞤣𞤫 𞤺𞤢𞥄𞤧𞤭⹁ 𞤯𞤵𞤲 𞤸𞤢𞤪𞤭 𞤥𞤭𞤯𞤮 𞤴𞤫𞥅𞤴𞤢 𞤫 𞤦𞤭𞤼𞤭𞤳𞤭 𞤥𞤮 𞤥𞤭 𞤵𞤣𞥆𞤭𞤼𞤭 𞤲𞤫𞥅𞤩𞤢𞥄𞤤𞤭⹁ 𞤲𞤣𞤫𞥅 𞤥𞤮𞤶𞤮𞤦𞤫𞤪𞤫 NP gaz 𞤼𞤢𞤱𞤭𞤥𞥆𞤭 𞤸𞤭𞤩𞤫 𞤬𞤢𞥄𞤤𞤢𞥄 𞤥𞤮 𞤩𞤫 𞤺𞤮𞤤𞥆𞤭𞤣𞤢⹁ 𞤳𞤮 𞤫 𞤶𞤵𞥅𞤯𞤫 𞤩𞤫𞤲𞤯𞤮𞤲 𞤥𞤭 𞤧𞤮𞥅𞤣𞤭 𞤧𞤫𞥅𞤯𞤢𞥄𞤶𞤫⹁ 𞤳𞤮 𞤥𞤭 𞤬𞤵𞤯𞥆𞤮𞤪𞤢 𞤥𞤭 𞤲𞤣𞤢𞥄𞤪𞤢 𞤧𞤭 𞤶𞤢𞤪𞤢𞤴⹁ 𞤳𞤮𞤲𞤮 𞤬𞤫𞤱𞤲𞤣𞤮 𞤮𞤲𞤼𞤵𞤥𞤢 𞤸𞤢𞤪𞤭 𞤺𞤮𞤤𞥆𞤭𞤼𞤭𞤪𞤮𞥅𞤩𞤫 𞤺𞤢𞥄𞤧𞤭 𞤯𞤵𞥅𞤯𞤢𞥄 𞤫 𞤳𞤢𞤣𞤭 𞤸𞤢𞤪𞤭 𞤷𞤮𞤺𞥆𞤵 𞤲𞤺𞤵𞤲 𞤸𞤮𞤴𞤢𞥄⹁ 𞤳𞤮𞤲𞤮 𞤺𞤭𞤦𞤭 𞤮𞤲𞤼𞤵𞤥𞤢 𞤥𞤭𞤯𞤮 𞤶𞤮𞤳𞥆𞤭 𞤥𞤭 𞤢𞤷𞥆𞤭𞤼𞤢𞥄𞤤𞤭.
𞥟𞤳𞤮 𞤸𞤮𞤲𞥆𞤮 𞤷𞤮𞤺𞥆𞤵 𞤺𞤢𞥄𞤧𞤭 𞤬𞤵𞤯𞥆𞤮𞤪𞤭 𞤸𞤢𞥄 𞤸𞤫𞤱𞤼𞤭 𞤯𞤮𞥅؟
𞤳𞤢 𞤬𞤵𞤯𞥆𞤮𞥅𞤣𞤫 𞤸𞤢𞤪𞤭 𞤷𞤮𞤺𞥆𞤵 𞤲𞤺𞤵𞤲 𞤸𞤮𞤴𞤢𞥄⹁ 𞤩𞤢𞤴 𞤸𞤢𞤪𞤭 𞤦𞤭𞤲𞤭𞥅𞤪𞤭 𞤲𞤣𞤭 𞤳𞤭𞤤𞤮𞥅 𞥖 𞤳𞤮 𞥑𞥒𞥐.𞥐𞥐𞥐𞤬𞤺 𞤴𞤫𞥅𞤴𞤫𞤼𞤫𞤲𞤮𞥅.
𞤦𞤭𞥅𞤲𞤭𞥅𞤪𞤭 𞤲𞤣𞤭 𞤳𞤭𞤤𞤮𞥅 𞥑𞥒 𞤳𞤮 𞥒𞥒𞥐.𞥐𞥐𞥐 𞤴𞤫𞤴𞤫𞤼𞤫𞤲𞤮𞥅.
𞥟𞤳𞤮 𞤸𞤮𞤥𞤩𞤫 𞤫 𞤴𞤫𞥅𞤴𞤮𞥅𞤩𞤫 𞤺𞤢𞥄𞤅𞤭 𞤢𞤼𞥆𞤭𞥅 𞤢𞤪𞤣𞤫 𞤺𞤭𞤲𞤫 𞤯𞤮𞥅؟
𞤥𞤭𞤲 𞤳𞤮 𞤥𞤭 𞤥𞤢𞥄𞤲𞤣𞤭𞤼𞤭𞥅 𞤳𞤮: NP⹁ YA GAZ,SAFI GAZ, ET KAMA GAZ.
𞥟𞤑𞤌 𞤊𞤋𞥅 𞤖𞤌𞤐𞤍𞤓𞤐 𞤔𞤌𞥅𞤐𞤋 𞤘𞤀𞥄𞤅𞤋 𞤐𞤌 𞤒𞤉𞥅𞤒𞤉𞥅𞤁𞤉 𞤑𞤌 𞤖𞤌𞤒𞤋 𞤅𞤉𞥅𞤍𞤀 𞤇𞤓𞤈𞤋 𞤂𞤀𞤏؟
𞤺𞤭𞤦𞤭 𞥒𞥐𞥑𞥕 𞤬𞤫𞤱𞤲𞤣𞤮 𞤥𞤭 𞤬𞤵𞤯𞥆𞤭𞥅 𞤴𞤫𞥅𞤴𞤵𞤣𞤫 𞤺𞤢𞥄𞤧𞤭 𞤸𞤢𞤪𞤭 𞤢𞤤𞤢𞥄 𞤳𞤢 𞤺𞤢𞥄𞤧𞤭 𞤧𞤮𞥅𞤣𞤫𞥅 𞤺𞤭𞤲𞤫 𞤯𞤮𞥅 ⹁ 𞤸𞤢𞤪𞤭 𞤳𞤮 𞤥𞤢𞥄𞤤𞤭 𞤦𞤢𞤥𞤢𞤳𞤮𞥅⹁ 𞤥𞤢𞤤𞥆𞤢 𞤧𞤫𞤲𞤫𞤺𞤢𞥄𞤤𞤭 𞤩𞤫 𞤴𞤢𞤸𞤢𞤲𞤢𞤴𞤲𞤮𞥅 𞤩𞤫 𞤧𞤮𞥅𞤣𞤮𞤴𞤢 𞤩𞤫 𞤢𞤣𞥆𞤢 𞤺𞤭𞤲𞤫 𞤺𞤢𞥄 𞤩𞤫 𞤴𞤫𞥅𞤴𞤭𞤼𞤢.
𞤳𞤮𞤲𞤮 𞤺𞤭𞤦𞤭⹁ 𞤺𞤭𞤲𞤫 𞤺𞤢𞥄𞤧𞤭 guinée gaz 𞤢𞤪𞤭 𞤺𞤭𞤲𞤫 𞤯𞤮𞥅 𞤫 𞤸𞤭𞤼𞤢𞥄𞤲𞤣𞤫 𞥒𞥐𞥒𞥐⹁ 𞤳𞤮 𞤮𞤲𞤼𞤵𞤥𞤢 𞤷𞤮𞤺𞥆𞤵 𞤲𞤺𞤵𞤲 𞤬𞤵𞤯𞥆𞤭𞥅 𞤯𞤵𞤴𞤼𞤢𞥄𞤣𞤫⹁ 𞤩𞤢𞤴 𞤩𞤫𞤲𞤯𞤮𞤲 𞤥𞤮𞤰𞥆𞤭𞤲𞤭 𞤥𞤢𞤪𞤭𞤪𞤯𞤫 𞤺𞤢𞥄𞤧 𞤺𞤭𞤲𞤫 𞤯𞤮𞥅⹁ dépôt de gaz 𞤮𞤲𞤼𞤵𞤥𞤢 𞤷𞤮𞤺𞥆𞤵 𞤲𞤺𞤵𞤲 𞤯𞤵𞤴𞤼𞤭𞥅 𞥔𞥐%⹁ 𞤩𞤢𞤴 𞤳𞤮 𞤱𞤮𞤲𞤵𞤲𞤮𞥅 𞥑𞥒𞥐.𞥐𞥐𞥐𞤬𞤺 𞤢𞤪𞤼𞤭 𞥗𞥐.𞥐𞥐𞥐𞤬𞤺.
𞥒𞥒𞥐.𞥐𞥐𞥐𞤬𞤺 𞤱𞤮𞤲𞤼𞤭 𞥑𞥕𞥐.𞥐𞥐𞥐𞤬𞤺.
𞤩𞤢𞤴 𞤲𞤮𞤲 𞥕 𞤶𞤵𞤳𞤮 𞤬𞤫𞤰𞥆𞤭𞥅 𞤥𞤢𞥄𞤥𞤢𞤣𞤭𞥅 𞤣𞤵𞤥𞤦𞤵𞤴𞤢𞥄 𞤰𞤫𞤼𞥆𞤭𞥅 𞤤𞤢𞥄𞤥𞤵 𞤲𞤺𞤵𞤲⹁ 𞤸𞤢𞥄𞤤𞤣𞤭𞤺𞤢𞤤 𞤱𞤢𞤯𞤭 𞤸𞤢𞤳𞥆𞤵𞤲𞤣𞤫 𞤤𞤢𞥄𞤥𞤵 𞤲𞤺𞤵𞤲 𞤫 𞤺𞤭𞤲𞤫 𞤺𞤢𞥄𞤧𞤭 𞤬𞤭𞥅 𞤲𞤮 𞤷𞤮𞤺𞥆𞤵 𞤲𞤺𞤵𞤲 𞤯𞤵𞤴𞤼𞤮𞤪𞤢⹁𞤸𞤢𞤪𞤢 𞤴𞤫𞥅𞤴𞤭𞤼𞤮𞥅𞤩𞤫 𞤩𞤫𞤲 𞤴𞤫𞥅𞤴𞤢𞤴 𞥖𞥐.𞥐𞥐𞥐𞤬𞤺⹁ 𞤳𞤭𞤤𞤮𞥅 𞥖⹁ 𞤫 𞤲𞤣𞤫 𞤳𞤭𞤤𞤮𞥅 𞥑𞥒 𞤴𞤫𞥅𞤴𞤫𞥅 𞥑𞥒𞥐.𞥐𞥐𞥐𞤬𞤺.
𞤳𞤮𞤲𞤮 𞤲𞤣𞤫 𞤼𞤢𞤱𞤲𞤮𞥅 𞤤𞤢𞥄𞤥𞤵 𞤲𞤺𞤵𞤲 𞤼𞤫𞤣𞥆𞤭𞤲𞤼𞤢𞥄 𞤬𞤮𞤣𞤢𞥄𞤶𞤫 𞤥𞤢𞤩𞥆𞤫 𞤺𞤮𞥅 𞤷𞤢𞤯𞤫𞥅𞤤𞤫 𞤸𞤭𞤲𞤮 𞤱𞤮𞥅𞤣𞤭 𞤳𞤢 𞤦𞤢𞤲𞤽𞤫 𞤷𞤮𞤺𞥆𞤵 𞤯𞤮𞤲.
𞥟𞤳𞤮 𞤸𞤮𞤲𞤯𞤵𞤲 𞤫 𞤧𞤢𞤯𞤼𞤫𞥅𞤲𞤣𞤫 𞤱𞤮𞤲𞤵𞤯𞤮𞤲 𞤸𞤢𞤱𞤪𞤵𞤣𞤫 𞤳𞤢 𞤴𞤫𞥅𞤴𞤵𞤺𞤮𞤤 𞤺𞤢𞥄𞤧𞤭؟
𞤷𞤢𞤯𞤫𞥅𞤤𞤫 𞤯𞤫𞤲 𞤸𞤭𞤲𞤮 𞤸𞤫𞥅𞤱𞤭⹁ 𞤧𞤢𞤦𞤵 𞤦𞤵𞤼𞤫𞥅𞤴𞤭 𞤯𞤵𞤲 𞤱𞤮𞤲𞤭 𞤥𞤭𞤪𞤢𞤲𞤸𞤵𞤲 𞤱𞤢𞤯𞤭𞤪𞤳𞤵𞤲 𞤺𞤢𞥄𞤧𞤭 𞤳𞤵𞤲⹁ 𞤧𞤢𞤯𞤢𞤴 𞤸𞤢𞤪𞤢 𞤢𞤤𞤢𞥄 𞤬𞤫𞤱⹁ 𞤸𞤢𞤪𞤢 𞤴𞤭𞤥𞤩𞤫 𞤩𞤫𞤲 𞤸𞤭𞤲𞤮 𞤬𞤢𞥄𞤤𞤢𞥄 𞤧𞤮𞥅𞤣𞤵𞤣𞤫 𞤳𞤮𞤲𞤮 𞤸𞤢𞤪𞤢 𞤢𞤤𞤢𞥄 𞤬𞤫𞤱⹁ 𞤤𞤢𞥄𞤥𞤵 𞤲𞤺𞤵𞤲 𞤸𞤭𞤲𞤮 𞤬𞤮𞤣𞤭 𞤥𞤮𞤰𞥆𞤭𞤲𞤢𞤴 𞤲𞤦𞤢𞤴𞤤𞤢𞥄𞤪𞤭 𞤼𞤢𞤬𞤭𞤪𞤣𞤭 𞤯𞤫𞤲 𞤦𞤵𞤼𞤫𞥅𞤴𞤶𞤫 𞤳𞤮𞤲𞤮 𞤸𞤢𞥄 𞤶𞤮𞥅𞤲𞤭 𞤲𞤫𞤱𞤢𞥄𞤳𞤭 𞤼𞤢𞤱𞤮.
𞤳𞤮 𞤸𞤮𞤲𞥆𞤮 𞤱𞤮𞤲𞤵𞤯𞤮𞤲 𞤴𞤫𞥅𞤴𞤭𞤪𞤣𞤫 𞤺𞤢𞥄𞤧𞤭 𞤮𞤲؟
𞤲𞤮𞤳𞥆𞤵𞥅𞤪𞤫 𞤳𞤢 𞤼𞤢𞤱𞤵𞤯𞤮𞤲 𞤥𞤭 𞤯𞤮𞥅 𞤳𞤮 𞤯𞤮𞥅 𞤥𞤭 𞤼𞤭𞤨𞥆𞤭𞤲𞤼𞤢 𞤺𞤢𞥄𞤧𞤭 𞤳𞤭𞤲 𞤥𞤭 𞤴𞤫𞥅𞤴𞤢⹁ 𞤸𞤢𞤪𞤭 𞤳𞤢 𞤬𞤵𞤯𞥆𞤮𞥅𞤣𞤫 𞤳𞤮 𞤥𞤭 𞤴𞤫𞥅𞤴𞤭𞤼𞤮𞥅𞤱𞤮 𞤼𞤵𞤲⹁ 𞤳𞤮𞤲𞤮 𞤺𞤭𞤦𞤭 𞤺𞤭𞤲𞤫 𞤺𞤢𞥄𞤧𞤭 𞤬𞤵𞤯𞥆𞤭𞥅 𞤺𞤮𞤤𞥆𞤵𞤣𞤫 𞤺𞤭𞤲𞤫 𞤯𞤮𞥅⹁ 𞤸𞤭𞤩𞤫 𞤲𞤫𞤱𞤭𞤲𞤢𞤲𞤭𞤥𞥆𞤭 𞤶𞤮𞤲𞥆𞤭𞤪𞤺𞤮𞤤 𞤴𞤫𞥅𞤴𞤭𞤼𞤢𞤴𞤩𞤫 𞤩𞤫𞤲 distributeur agréé⹁ 𞤥𞤭𞤯𞤮 𞤥𞤢𞤪𞤭 𞤱𞤫𞤪𞤤𞤢𞥄𞤶𞤫 𞤼𞤢𞤼𞤭⹁ 𞤫 𞤺𞤮𞤤𞥆𞤮𞥅𞤩𞤫 𞤲𞤶𞤫𞥅𞤺𞤮𞥅⹁ 𞤶𞤭𞤲𞤣𞤭𞤲𞤢𞤴𞤩𞤫 𞤺𞤢𞥄𞤧𞤭 𞤳𞤭𞤲 𞤲𞤢𞤩𞤢𞤲𞤢 𞤳𞤢𞤤𞤢 𞤬𞤢𞥄𞤤𞤢𞥄𞤯𞤮⹁ 𞤱𞤮𞤲𞤢𞤲𞤣𞤫 𞤴𞤫𞥅𞤴𞤭𞤼𞤢𞤴𞤩𞤫 𞤩𞤫𞤲.
𞤳𞤢 𞤲𞤮𞤳𞥆𞤵𞥅𞤪𞤫 𞤢𞤥 𞤯𞤮𞥅 𞤳𞤢𞤣𞤭⹁ 𞤥𞤭𞤯𞤮 𞤴𞤫𞥅𞤴𞤭𞤼𞤢 𞤺𞤮𞤤𞥆𞤭𞤪𞤮𞥅𞤩𞤫 𞤳𞤢 𞤷𞤵𞥅𞤯𞤭 𞤩𞤫𞤲.
𞥟𞤩𞤢𞤴 𞤸𞤭𞤯𞤮𞤲 𞤢𞤲𞤣𞤭 𞤺𞤢𞥄𞤧𞤭 𞤸𞤭𞤲𞤮 𞤸𞤵𞤤𞤩𞤭𞤲𞤭𞥅 𞤺𞤮𞤤𞥆𞤭𞤼𞤭𞤪𞤺𞤮𞤤⹁ 𞤲𞤮 𞤸𞤫𞥅𞤱𞤭 𞤳𞤢 𞤧𞤵𞤲𞥆𞤢𞤼𞤢 𞤷𞤵𞥅𞤯𞤭 𞤫 𞤳𞤮 𞤲𞤢𞤲𞤣𞤭 𞤫 𞤯𞤵𞤵𞤥⹁ 𞤸𞤭𞤯𞤮𞤲 𞤫𞤤𞤼𞤢 𞤴𞤭𞤥𞤩𞤫 𞤩𞤫𞤲 𞤳𞤮 𞤸𞤮𞤲𞥆𞤮 𞤺𞤢𞥄𞤧𞤭 𞤳𞤭𞤲 𞤺𞤮𞤤𞥆𞤭𞤼𞤭𞤪𞤼𞤫𞥅؟
𞤸𞤭𞥅𞤸𞤭 𞤳𞤢𞤤𞤢 𞤥𞤮 𞤥𞤫𞤲 𞤴𞤫𞥅𞤴𞤭⹁ 𞤥𞤫𞤲 𞤱𞤢𞥄𞤶𞤮𞤼𞤮 𞤮𞤲𞤼𞤭𞤺𞤭 𞤲𞤮 𞤮 𞤺𞤮𞤤𞥆𞤭𞤼𞤭𞤪𞤼𞤢 𞤸𞤢𞤪𞤢 𞤮 𞤸𞤫𞤩𞤢𞥄𞤤𞤭 𞤽𞤢𞤳𞥆𞤫𞤪𞤫⹁ 𞤫 𞤧𞤭 𞤼𞤢𞤱𞤭𞥅 𞤳𞤢𞤣𞤭 𞤳𞤮 𞤴𞤫𞥅𞤴𞤼𞤮𞥅𞤩𞤫 𞤩𞤫 𞤥𞤫𞤲 𞤶𞤮𞤺𞤲𞤢𞤼𞤢 𞤩𞤫𞤲⹁ 𞤥𞤫𞤲 𞤫𞤤𞤼𞤢𞤴𞤩𞤫 𞤬𞤭𞥅 𞤲𞤮 𞤩𞤫 𞤱𞤢𞥄𞤶𞤮𞤪𞤢 𞤩𞤫 𞤩𞤫 𞤴𞤫𞥅𞤴𞤭𞤼𞤢𞤼𞤢 𞤩𞤫𞤲 𞤬𞤭𞥅 𞤲𞤮 𞤺𞤢𞥄𞤧𞤭 𞤳𞤭𞤲 𞤺𞤮𞤤𞥆𞤭𞤼𞤭𞤪𞤼𞤫𞥅.
𞤫 𞤳𞤢𞤣𞤭 𞤥𞤫𞤲 𞤢𞤲𞤣𞤭𞤲𞤢𞤴𞤩𞤫 𞤴𞤮 𞤀𞤂𞤂𞤀 𞤣𞤢𞤲𞤣𞤵 𞤧𞤭 𞤴𞤭𞥅𞤼𞤫 𞤭𞤥𞥆𞤭𞤳𞤫 𞤳𞤢 𞤺𞤢𞥄𞤧𞤪𞤭 𞤳𞤮 𞤸𞤮𞤲𞥆𞤮 𞤩𞤫 𞤯𞤢𞤲𞥆𞤭𞤲𞤭𞤪𞤼𞤢 𞤸𞤢𞤪𞤢 𞤩𞤫 𞤸𞤵𞤤𞤢𞥄𞤤𞤭⹁ 𞤩𞤫 𞤣𞤮𞤺𞤢 𞤩𞤫 𞤢𞤷𞥆𞤢 𞤴𞤭𞥅𞤼𞤫 𞤲𞤺𞤫𞤲 𞤸𞤢𞥄 𞤲𞤺𞤫 𞤦𞤮𞤲𞥆𞤢 𞤳𞤮 𞤩𞤵𞤪𞤼𞤭.
𞤥𞤫𞤯𞤫𞤲 𞤸𞤫𞤦𞤤𞤭𞥅 𞤳𞤢𞤣𞤭 𞤧𞤭 𞤴𞤭𞥅𞤼𞤫 𞤭𞤥𞥆𞤮𞤪𞤭𞤳𞤫 𞤫 𞤺𞤢𞥄𞤧𞤪𞤭 𞤺𞤮𞤯𞥆𞤮 𞤮 𞤪𞤮𞤲𞤳𞤭𞥅 𞤯𞤢𞥄𞤯𞤲𞤭𞤲𞤣𞤫 ⹁ 𞤥𞤫𞤯𞤫𞤲 𞤶𞤮𞤺𞤭𞥅 𞤥𞤮𞤼𞤮𞥅𞤶𞤭 𞤩𞤫 𞤥𞤫𞤲 𞤭𞤥𞥆𞤭𞤲𞤼𞤢 𞤱𞤢𞤤𞥆𞤭𞤼𞤮𞤴𞤮𞥅𞤩𞤫 𞤳𞤭𞤧𞤢𞤲 𞤯𞤢𞥄𞤲𞥆𞤭𞤲𞤺𞤮𞤤.
𞥟𞤢𞤲𞤣𞤭𞤲𞤼𞤭𞤲𞤫𞥅 𞤫𞤲 𞤲𞤢𞤬𞤮𞥅𞤪𞤫 𞤳𞤮 𞤺𞤮𞤤𞥆𞤭𞤼𞤭𞤪𞤺𞤮𞤤 𞤺𞤢𞥄𞤧𞤭 𞤶𞤮𞤺𞤭𞥅⹁ 𞤩𞤢𞤴 𞤱𞤮𞤩𞥆𞤫 𞤱𞤭𞤴𞤢𞤴 𞤳𞤮 𞤣𞤫𞤬𞤭𞤪𞤺𞤮𞤤 𞤳𞤫𞤥𞤦𞤵 𞤩𞤵𞤪𞤢𞤲𞤭𞤩𞤫؟
𞤸𞤭𞥅𞤸𞤭 𞤺𞤮𞤤𞥆𞤭𞤪𞤺𞤮𞤤 𞤺𞤢𞥄𞤧𞤭 𞤲𞤮 𞤥𞤢𞤪𞤭 𞤲𞤢𞤬𞤮𞥅𞤶𞤫 𞤸𞤫𞥅𞤱𞤯𞤫.
𞥑- 𞤩𞤢𞤴 𞤳𞤮 𞤧𞤮𞤲𞥆𞤢𞥄𞤩𞤫 𞤩𞤫𞤲 𞤩𞤵𞤪𞤢𞤼𞤢 𞤫𞤲 𞤣𞤫𞤬𞤢𞤲𞤣𞤫 𞤳𞤮 𞤻𞤢𞥄𞤥𞤫𞤼𞤫𞤲 𞤳𞤮𞤲⹁ 𞤣𞤫𞤬𞤭𞤪𞤺𞤮𞤤 𞤺𞤢𞥄𞤧𞤭 𞤸𞤭𞤲𞤮 𞤱𞤮𞤲𞤣𞤭 𞤫 𞤤𞤢𞥄𞤩𞤢𞤤⹁ 𞤧𞤢𞤦𞤵 𞤳𞤢𞤻𞤵𞤲 𞤢𞤤𞤢𞥄 𞤲𞤣𞤵𞤺𞥆𞤵 𞤥𞤢𞤤𞥆𞤢 𞤷𞤵𞤪𞤳𞤭𞤱𞤭𞥅⹁ 𞤸𞤭𞤯𞤫𞤲 𞤢𞤲𞤣𞤭 𞤲𞤮𞤲 𞤳𞤮 𞤻𞤢𞥄𞤥𞤫𞤼𞤫𞤲 𞤳𞤮𞤲 𞤧𞤭 𞤤𞤢𞥄𞤩𞤭𞥅 𞤸𞤢𞤪𞤢𞤴 𞤫𞤲 𞤩𞤫𞤴𞤣𞤮𞤼𞤮 𞤷𞤫𞤤𞥆𞤢𞤤.
𞥒- 𞤱𞤢𞤤𞥆𞤭𞤼𞤮𞤼𞤮 𞤧𞤮𞤲𞥆𞤢𞥄𞤩𞤫 𞤩𞤫𞤲 𞤳𞤢 𞤢𞤲𞤺𞤢𞤤 𞤲𞤫𞥅𞤩𞤵𞤺𞤮𞤤 𞤳𞤢 𞤲𞤣𞤫𞤬𞤵⹁ 𞤫 𞤸𞤭𞤲𞤮 𞤱𞤮𞤲𞤣𞤢𞤲𞤭𞤩𞤫 𞤫 𞤷𞤫𞤤𞥆𞤢𞤤 𞤧𞤢𞤦𞤵 𞤵𞤪𞤢𞤺𞤮𞤤 𞤷𞤵𞤪𞤳𞤭 𞤸𞤢𞥄𞤯𞤵𞤳𞤭⹁ 𞤫 𞤤𞤢𞤳𞥆𞤫𞤪𞤫 𞤬𞤫𞤷𞥆𞤵𞤼𞤵𞤲'𞤣𞤫.
𞥓- 𞤧𞤭 𞤺𞤢𞥄𞤧𞤭 𞤮𞤲 𞤺𞤮𞤤𞥆𞤭𞤼𞤭𞤪𞤢𞥄𞤥𞤢⹁ 𞤯𞤵𞤲 𞤱𞤢𞤯𞤢𞤴 𞤸𞤢𞥄 𞤸𞤵𞤲𞤣𞤢𞥄𞤪𞤭 𞤥𞤫𞤯𞤫𞤲 𞤲'𞤣𞤭𞤲 𞤸𞤭𞤱𞤮𞥅⹁ 𞤧𞤢𞤦𞤵 𞤸𞤭𞤲𞤮 𞤶𞤫𞤴𞤢𞥄 𞤫 𞤳𞤮 𞤱𞤮𞤲𞤭 𞤦𞤮𞤲𞥆𞤵𞤣𞤫 𞤸𞤵𞤲𞤣𞤢𞥄𞤪𞤭 𞤥𞤫𞤯𞤫𞤲 𞤲𞤣𞤭𞤲 𞤧𞤮𞤨𞥆𞤢𞤴𞤩𞤫 𞤳𞤫𞤥𞤦𞤵 𞤴𞤫𞥅𞤴𞤢⹁ 𞤶𞤮𞥅𞤲𞤭 𞤲𞤮𞤲 𞤧𞤭 𞤳𞤫𞤥𞤦𞤵 𞤯𞤵𞤴𞤼𞤭𞤳𞤫 𞤶𞤢𞤪𞤵𞤺𞤮𞤤⹁ 𞤥𞤢𞤤𞥆𞤢 𞤢𞤷𞥆𞤭𞥅 𞤸𞤢𞤪𞤢𞤴 𞤤𞤫𞤯𞥆𞤫 𞤯𞤫𞤲 𞤯𞤵𞤴𞤼𞤫𞤼𞤫 𞤳𞤮 𞤧𞤮𞤨𞥆𞤫𞤼𞤫𞥅 𞤳𞤮𞤲⹁ 𞤫 𞤯𞤵𞤲 𞤱𞤢𞤯𞤢𞤴 𞤸𞤢𞥄 𞤤𞤫𞤺𞤯𞤫 𞤲𞤶𞤢𞤲𞤫 𞤼𞤢𞤦𞤭𞤼𞤢 𞤳𞤢 𞤥𞤫𞤫𞤲⹁ 𞤬𞤮𞥅𞤬𞤫𞤲 𞤸𞤫𞤲𞤣𞤵 𞤤𞤢𞥄𞤩𞤵𞤲𞤣𞤵⹁ 𞤴𞤮𞥅𞤪𞤮 𞤫 𞤩𞤫𞥅𞤩𞤮 𞤷𞤢𞤲𞤯𞤭 𞤯𞤵𞤴𞤼𞤮𞥅 𞤳𞤢 𞤥𞤫𞥅𞤯𞤫𞤲 𞤧𞤢𞤦𞤵 𞤧𞤭 𞤤𞤫𞤴𞤯𞤫 𞤲𞤶𞤢𞤲𞤫 𞤯𞤫𞤲 𞤣𞤢𞤯𞤭𞥅 𞤼𞤮𞤩𞤮 𞤲𞤺𞤮𞤲 𞤼𞤢𞤦𞤭𞤼𞤢𞤴 𞤩𞤫𞥅𞤩𞤵𞤺𞤮𞤤 𞤷𞤢𞤲𞤯𞤭 𞤯𞤭𞤲 𞤯𞤵𞤴𞤼𞤮𞥅.
𞥟𞤳𞤮 𞤸𞤮𞤲𞤯𞤵𞤲 𞤥𞤢𞤪𞤵𞤯𞤮𞤲 𞤳𞤮 𞤱𞤢𞥄𞤶𞤮 𞤯𞤮𞤲 𞤴𞤭𞤥𞤩𞤫 𞤩𞤫𞤲 𞤬𞤭𞥅 𞤺𞤮𞤤𞥆𞤭𞤼𞤭𞤪𞤺𞤮𞤤 𞤺𞤢𞥄𞤧𞤭؟
𞤳𞤮 𞤴𞤮 𞤩𞤫 𞤱𞤢𞤳𞥆𞤭𞤤𞤮 𞤩𞤫 𞤢𞤤𞤢𞥄 𞤺𞤮𞤤𞥆𞤭𞤪𞤣𞤫 𞤺𞤢𞥄𞤧𞤭 𞤩𞤫𞤲 𞤴𞤮 𞤩𞤫 𞤫𞤼𞤮 𞤲𞤮 𞤩𞤫 𞤬𞤵𞤯𞥆𞤮𞤪𞤢 𞤳𞤭𞤧𞤢𞤲⹁ 𞤧𞤢𞤦𞤵 𞤸𞤭𞤲𞤮 𞤱𞤮𞤲𞤣𞤢𞤲𞤭𞤩𞤫 𞤫 𞤲𞤢𞤬𞤮𞥅𞤪𞤫⹁ 𞤧𞤢𞤦𞤵 𞤲𞤮𞤲 𞤢 𞤭𞤼𞥆𞤢𞤴 𞥖𞥐.𞥐𞥐𞥐 𞤧𞤮𞥅𞤣𞤢𞥄 𞤯𞤮𞥅 𞤧𞤢𞥄𞤳𞤵 𞤸𞤵𞤲 𞤳𞤫𞤥𞤦𞤵 𞤼𞤢𞤱𞤢 𞤳𞤮 𞤣𞤮𞤱 𞤮𞤲 𞤼𞤵𞤲 𞤥𞤮𞤰𞥆𞤭⹁ 𞤤𞤫𞤴 𞤮𞤲 𞤼𞤵𞤲 𞤳𞤮 𞤦𞤵𞤳𞤵-𞤦𞤵𞤳𞤵⹁ 𞤸𞤢𞤪𞤢 𞤳𞤢𞤣𞤭 𞤧𞤭 𞤸𞤭𞤩𞤫 𞤣𞤫𞤬𞤵𞤣𞤫⹁ 𞤩𞤫 𞤼𞤵𞥅𞤲𞤢𞤴⹁ 𞤲𞤣𞤫 𞤱𞤮𞤲𞤣𞤫 𞤸𞤢𞤪𞤢 𞤳𞤮 𞤳𞤫𞤥𞤦𞤵 𞤯𞤫 𞤸𞤵𞤩𞥆𞤢𞤼𞤢𞥄⹁ 𞤸𞤢𞤪𞤢 𞤳𞤢𞤣𞤭 𞤱𞤵𞤪𞤫𞥅𞤶𞤫 𞤥𞤢𞤩𞥆𞤫 𞤯𞤫𞤲 𞤬𞤮𞤱 𞤩𞤢𞤴𞤤𞤢𞤴 𞤼𞤢𞤥𞤦𞤭𞤲𞤢𞤩𞤫 𞤳𞤢 𞤤𞤢𞤱𞤰𞤵𞤺𞤮𞤤.
𞤔𞤉𞤐𞥆𞤉 𞤁𞤌𞤘𞤓𞤅𞤀𞤂𞤋
𞤀 𞤱𞤢𞤯𞤢𞤲𞤢𞥄𞤤𞤭 𞤩𞤫 𞤨𞤭𞤦𞤤𞤭𞤧𞤭𞤼𞤫𞥅
𞤀 𞤱𞤢𞤯𞤢𞤲𞤢𞥄𞤤𞤭 𞤩𞤫 𞤨𞤭𞤦𞤤𞤭𞤧𞤭𞤼𞤫𞥅